Jakobus Preek Reeks Inleiding

Jakobus 1:1

"Jakobus, ‘n dienskneg van God en die Here Jesus Christus, aan die twaalf stamme wat in die verstrooiing is: Groete!"

Teks: Jakobus 1:1

Inleiding:

Indeling:

Inleiding

1. Datum.

Dis die vroegste N.T. boek in die Bybel.
Dis ongeveer 45-49 nC geskryf.

2. Karaktereienskappe

Dis ŉ boek waarin daar geen spekulasie oor lewens realiteite is nie.
Dis baie prakties in die aanslag wat dit het, amper soos die O.T. boek Spreuke.
Dis ŉ boek wat nie net met ons belydenis besorg is nie, maar ook met ons leefstyl.
Die leerstyl van Jakobus stem baie ooreen met Christus se leerstyl, meer as enige ander N.T. boek, in besonders met die Bergpredikasie. Daar is +- 26 verwysings/sinspelings in Jakobus na die bergpredikasie.
Die hele boek is baie gesag vol en vol imperatiewe. Dis ŉ boek van opdragte. Daar is in die 108 verse waaruit die boek bestaan, 54 direkte imperatiewe. Die noot van die boek is selfs meer gesag vol as die geskrifte van Paulus.

3. Doel

Die boek het ŉ baie breë doel. Daar is nie een spesifieke tema of probleem wat aangespreek word nie. Selfs kommentare en teoloë verskil oor of daar ŉ spesifieke tema is of nie.
Wat ons wel weet is: Jakobus is besorg oor die hele christelike lewe. Die belydenis wat ons het en die leefstyl wat ons handhaaf.

4. Inhoud

Nes die doel die boek breed is, is die inhou ook baie breed.
Hier is ŉ paar voorbeelde van dinge wat in die boek behandel word.

1:1-18 – Versoekings

1:19-27 – Die aanhoor en gehoorsaamheid aan die Woord

2:1-13 – Respek vir alle mense

2:14-26 – Die interne verhouding tussen geloof en werke

3:1-12 – Die tong, en gevare m.b.t. spraak

3:13-18 – Wat is ware en valse wysheid

4:1-12 – Wêreld gelykvormigheid

4:13-17 – God en besigheid

5:1-6 – Onreg en sosiale geregtigheid

5:7-18 – Geduld en gebed

5:19-20 – Hoe om afvallige mense te behandel

Kom ons kyk nou bietjie spesifiek na V.1

Die Skrywer. V.1

Wie hy was

Daar is 4 opsies vir wie hy kon wees:

👎Matt 4:18-22 – Jakobus die seun van Sebedéüs. Hy was die Apostel Johannes se broer en een van die oorspronklike 12 dissipels. Wat weet ons verder van hom? Kyk na Handelinge 12:1-3 Dit sê dat hy in 44 nC doodgemaak is. Hy is m.a.w. dood voor die boek geskryf was.

👎Lukas 6:12-16 – Jakobus die seun van Alfeus. Hy is ook vroeg dood, selfs vroeër as Jakobus die seun van Sebedéüs. Hy was heelwaarskynlik die broer van Mattheus of Levi.

👎Lukas 6:16 – Jakobus die pa van Judas die apostel, nie Judas die Iskariot nie. In Hand 1:12-13 kry ons die enigste ander verwysing na hierdie Jakobus. Al wat ons weet is dat hy die vader van Judas was.

👍Matt 13:53-55 – Jakobus die half broer van Christus. Hy was nie deel van die oorspronklike 12 nie, en ook nie gered tydens die lewe van Christus nie, kyk was lees ons in Joh. 7:1-5. Kyk nou na 1 Kor. 15:3-7 dit vertel van waar Jesus aan sy broer Jakobus verskyn het, na die kruis het hy tot geloof gekom en ŉ Apostel geword. Wat gebeur met hom na sy redding? Kyk wat lees ons in Hand 12:17; 15:12-13. Hy word ŉ getuie vir Christus en ŉ pilaar in die kerk.

2. Sy belangrikheid

Jakobus was die hoof van die Jerusalem raad en kerk.
Hy was een van die Apostels en leiers. Hand 21:17-18. Ons leer dit ook in nog twee ander gedeeltes. Gal 1:18-19; 2:9.

2. Sy diens

In V.1 word hy ŉ “dienskneg” genoem.
Hy sien m.a.w. homself as iemand wat nie ŉ leier is nie maar ŉ dienaar. Al noem Paulus hom ŉ pilaar en al is hy die half broer van Jesus en ŉ Apostel sien hy homself as ŉ dienskneg.

3. Sy onderdanigheid

In V.1 word hy ŉ dienskneg van “God en die Here Jesus Christus” genoem.
Hy sien homself as onder gesag, onder Jesus sy broer.
Van die begin af word Christus erken as die hoogste gesag. Hy het die naam bo alle name ontvang, Fil. 2:6-11.

4. Sy redding

Let op, hy moes persoonlik gered word.
Sy redding was nie familiêr, outomaties, of weens herkoms nie.

Die Ontvangers

Die Israel van God
Dit kan geestelik of letterlik verstaan word.
Die diaspora word net 2 maal elders van gepraat in hierdie spesifieke terme. Joh. 7:35; 1 Pet. 1:1.
Geestelik verstaan sal die Israel van God dui op die kerk van alle eeue. Letterlik verstaan sal dit net op etniese Jode dui.
Ek dink dis beter om dit geestelik te verstaan, m.a.w. dat die boek geskryf is aan die kerk- die Israel van God. Dis hoe Paulus die term Israel van God ook gebruik het. Rom. 2:25-29 – Hulle wat in hulle harte besny was is waarlik deel van die Israel van God. Gal. 6:15-16 – Paulus beskryf hier die kerk as hulle wat ŉ nuwe skepsel is. Efes. 2:11-22 – Hulle wat geroep is om een te wees in Christus. Let op die herhaling daarvan. Een, een, een...